Os xulgados deron a razón a ADICAE na súa demanda ante CajaSur. Trátase dunha sentenza clave; é a primeira vez que se condena a un banco a resarcir os gastos hipotecarios a todos os seus clientes e non só aos que reclamaran. Estas son as claves da noticia:
ADICAE interpuxo demandas contra 101 entidades de toda España para lograr a devolución dos gastos hipotecarios; trátase dunha cláusula abusiva que, en moitas hipotecas, obrigou aos consumidores a facerse cargo do total de gastos como os de xestoría, notaría ou taxación. A sentenza favorable nos xulgados do mercantil de Córdoba forma parte desta campaña. É unha boa noticia para os afectados e demostra o que se pode conseguir grazas á organización dos consumidores.
A sentenza declara a nulidade da cláusula de atribución de gastos hipotecarios de CajaSur e será efectiva non só para quen se incorporou á demanda de ADICAE, senón para todas as persoas que tiñan unha hipoteca concertada coa entidade; unhas 75000. Trátase dun éxito moi importante para a acción xudicial colectiva en España e chega nun momento clave. Actualmente estase levando a cabo a transposición dunha Directiva da UE que busca facilitar os trámites para recorrer a esta vía de reclamación.
Agora que a sentenza deu a razón aos consumidores, desde ADICAE queremos axudar todo o posible nos trámites de execución da sentenza, que se limitan á achega da documentación necesaria. Se queres recibir máis información ou necesitas axuda para xestionar a túa documentación, podes contactar connosco a través dos nosos teléfonos e sedes en toda España.
Tamén podes escribir ao correo gastos@adicae.net e ao número de whatsapp 660175964, desde o que se organizarán reunións informativas.
|