Unha nova ameaza para os consumidores europeos. Aínda sen apagarse o incendio das participacións preferentes, a banca europea fomenta un novo produto complexo co que recapitalizarse a custa dos cidadáns: os bonos convertibles continxentes, denominados 'CoCos' na xerga financeira.
Basilea III -a nova normativa internacional que regula a actividade bancaria-, supón o final das preferentes como produto financeiro co que as entidades poden reforzar a súa solvencia. Desa necesidade da banca por seguir reforzando os seus balances xorden outros produtos, entre eles os "cocos", que computarán como core capital Tier 1 adicional -capital de máxima calidade-, dentro do 8% total de recursos propios esixido.
Trátase de produtos complexos e perigosos para os aforradores. Son débeda da entidade que os emite, que se converte en accións se se cumpren varios requisitos. Cando o consumidor quere recuperar o invertido ten que vender as accións, co conseguinte risco de perda dos aforros que iso leva consigo. Ademais, antes da conversión en accións, se o capital básico do banco se reduce, o prezo do 'coco' tamén cae.
Tal é o risco destes produtos que, aínda que ata agora se dirixiron a investidores cualificados ou institucionais, mesmo nestes casos a ESMA se ve na obriga de lanzar unha advertencia xeral. E é que a Autoridade Europea de Mercados, na que ADICAE representa aos consumidores españois, non cre que os usuarios de banca saiban valorar axeitadamente os riscos que entrañan estes produtos, dos que a colocación en calquera caso queda totalmente prohibida para os pequenos aforradores.
A Banca prepara novas emisión de produtos complexos.
A banca española leva comercializando 'cocos' máis de 2 anos, e ADICAE xa advertiu en anteriores ocasións da súa perigosidade. Este produto, mesmo, foi colocado pola banca a miles de consumidores mediante os 'trocos' das participacións preferentes.
Pero non son os únicos perigos para o consumidor xa que a banca española xa prepara colocacións masivas de cédulas, bonos, débeda subordinada ou warrants que supera os 70.000 millóns de euros, ameazas ante as cales os aforradores deben estar máis atentos que nunca. ADICAE esixe que a CNMV cumpra co seu labor e marque o camiño aos bancos, impedindo a comercialización destes produtos complexos a aforradores da pé, tal e como aconteceu coas participacións preferentes ou a débeda subordinada.
Dende ADICAE recordamos que sempre antes de contratar calqueira produto e para estudiar detenidamente a letra pequena, pode pasar por unha sede de ADICAE para revisalo.
(
más información )
|