Socios e simpatizantes de ADICAE, que sairon dende diferentes puntos de toda España, incluidos Galicia, acudiron a manifestación do pasado sábado 15 de setembro en Madrid. Nestes actos se voltaron a esixir cambios profundos na operativa e control bancario para evitar a creación de novos e masivos fraudes aos aforradores e hipotecados, que se están a suceder en España dende fai quince anos.

A columna antiabusos bancarios encabezada polo presidente de ADICAE, Manuel Pardos, saiu da sede central do Banco de España, sinalado como un dos grandes responsables da crise financeira debido a súa falla de acción para poñer coto aos abusos bancarios, comportándose na práctica como unha auténtica patronal bancaria en lugar dun regulador efectivo.

Ainda que non se trataba dunha manifestación contra os abusos bancarios, estes foron os grandes protagonistas das reivindicacións do 15 de setembro. A cidadanía está farta dos atropellos financeiros e así voltou a amosar en Madrid, con miles de pancartas e carteis en protesta polos múltiples abusos financeiros que se están a cometer en España.