Hoxe estivemos no programa de radio Galicia por Diante  para explicar cales son as consecuencias desta subida do Euríbor e como afectará os consumidores:

Podes escoitarnos a partir do minuto 19:30.

Claves da intervención:

·A subida afectará ás hipotecas de tipo variable, que se encarecerán.

·No mercado hipotecario, os xa bancos empezan a favorecer a contratación de hipotecas de tipo variable e a subir os prezos das de tipo fixo.

·É clave seguir reclamando e esixindo responsabilidades á banca. Se tes dúbidas, sempre podes contactar con ADICAE; asistirémosche sobre os teus dereitos como consumidor.

Continuando as nosas intervencións nos medios, ADICAE interveu no telexornal serán da TVG deste mércores seis de abril, cunha serie de consellos para aforrar nas compras cotiás ante a inflación que estamos a vivir. 

Podedes ver a intervención nesta ligazón.

Desde a asociación continuamos a nosa labor para reclamar uns prezos da enerxía razoables e unha transformación dixital xusta, que no deixe a ninguén atrás; como parte deste obxectivo, nas últimas semanas leváronse a cabo varias intervencións en medios. Deixámosvos as entrevistas nas seguintes ligazóns:

·Telexornal Serán da TVG do día 15 de marzo, Día Mundial dos Consumidores.

·Telexornal Mediodía da TVG do día 31 de marzo, día da entrada en vigor da rebaixa de seis euros na factura da luz.

Esta semana aprobouse por fin o anteproxecto de lei para a creación dunha autoridade administrativa independente, dedicada á defensa dos clientes financeiros, cuxas decisións serán vinculantes para as entidades bancarias. ADICAE leva reclamando unha autoridade como esta desde os inicios da asociación, e a partir de agora continuará demandando a aprobación dunha lei que matice e confirme o anteproxecto canto antes.

O feito de que as decisións desta nova autoridade sexan vinculantes é un avance revolucionario, que non gustou á banca. A partir de agora será máis sinxelo evitar situacións de indefensión, como os peches de oficinas e caixeiros ou as cláusulas abusivas. Unha vez aprobado o anteproxecto a banca terá noventa días para resolver as reclamacións dos seus usuarios; se non cumpre con esta obriga, poderemos acudir á nova autoridade, que resolverá reclamacións de ata 20.000 euros.

Os consumidores poderán contar con ADICAE tanto para as reclamacións ante bancos e autoridades como para seguir reclamando medidas que protexan os seus dereitos. Podedes atoparnos nas nosas sedes de Galicia:

·A Coruña: Avenida de Oza 45. coruna@adicae.net. 881 88 81 77.

·Vigo: Rúa Velázquez Moreno, 9. vigo@adicae.net. 986 22 66 42.

·Santiago de Compostela: Av. de Vilagarcía, 2. 981 94 13 97.

ADICAE GALICIA realizou unha intervención na Televisión de Galicia para falar acerca das medidas adoptadas polo goberno para baixar o coste da factura da luz.

Consideramos necesarias pero insuficientes as medidas adoptadas.

Podes ver a intervención a partir do minuto 17.32 no seguinte enlace: http://www.crtvg.es/tvg/a-carta/telexornal-mediodia-5589386?t=1052